814. Абу Ваҳб розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Анбиёларнинг исмларини қўйинглар. Аллоҳ Азза ва Жаллага энг маҳбуб исмлар Абдуллоҳ ва Абдурроҳмандир. Энг содиқ исмлар Ҳорис ва Ҳаммамдир. Энг қабиҳ исмлар Ҳарб ва Муррадир», дедилар».
815. Жобир розияллоҳу анҳудан ривоят қилинади:
«Бизлардан бир киши ўғиллик бўлиб, унга Қосим деб исм берди. Биз унга «Биз сени Абулқосим демаймиз. Бунда каромат йўқ», дедик.
У Набий соллаллоҳу алайҳи васалламга хабарни айтди. Шунда У зот:
«Ўғлингга Абдурроҳман деб исм қўй», дедилар».
|