784. Абдуллоҳ ибн Дийнордан ривоят қилинади:

«Абдуллоҳ ибн Умар билан бозорга чиқдим. У қўшиқ айтаёган кичкина жория қизнинг олдидан ўтди ва:

«Агар шайтон бировга тегмайдиган бўлса, мана шунга тегмаса керак», деди».

785. Анас ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Менда ботилдан ҳеч нарса йўқ, ботилда менга ҳеч нарса йўқ», дедилар». Яъни, ботил мен учун бегона.

786. Ибн Аббос розияллоҳу анҳудан ривоят қилинади:

«Одамларнинг ичида беҳуда сўзни сотиб олувчилар бор». Бу қўшиқ ва унга ўхшаш нарсалар», деди».

787. Баро ибн Озиб розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Саломни ёйинглар, саломат бўласизлар. Беҳуда нарсалар ёмонликдир», дедилар.

788. Фадола ибн Убайддан ривоят қилинади:

«У катта йиғинлар ўтказар эди. Унга баъзи қавмларнинг нард ўйнашларининг хабари етди. Шунда у ғазаб билан ўрнидан туриб, шиддат билан ундан қайтарди ва:

«Шуни ўйновчи киши унинг мевасини албатта ейди. Худди чўчқанинг гўштини егандек ва қон билан таҳорат қилгандек!» деди».