1648/1. Абу Ҳурайрадан р.а. ривоят қилинади. Расулуллоҳ  с.а.в. : «Бир пойафзални кийиб юрмасин. Икковини кийиб юрсин ёки икковини ечиб қўйиб юрсин», дедилар.

Бошқа ривоятда «Ёки яланг оёқ бўлиб юрсин» бўлиб келган. Имом Бухорий ва Муслим ривоятлари.

1649/2. Абу Ҳурайрадан р.а. ривоят қилинади. Расулуллоҳ  с.а.в. : «Агар сизлардан бирингизнинг пойафзали тасмаси узилиб кетса, токи узилганни тузатмагунча иккинчисини кийиб юрмасин», дедилар. Имом Муслим ривояти.

1650/3. Жобирдан р.а. ривоят қилинади. Расулуллоҳ  с.а.в.  тик туриб пойафзал кийишдан ман қилдилар. Абу Довуд ҳасан иснод билан ривоят қилганлар.

Фойда: чунки мана шундай ҳолатда юриш кишидан виқорни кетказиб, бошқалар олдида масхара бўлиб юришга ёки юришни қийинлаштириб, ҳатто йиқилишга сабаб бўлиши мумкин.