1633/1. Жобирдан р.а. ривоят қилинади. Расулуллоҳ с.а.в. : «Чап қўлингиз билан таом еманглар. Чунки шайтон чап қўли билан овқатланади», дедилар. Имом Муслим ривояти.
1634/2. Ибн Умардан р.а. ривоят қилинади. Расулуллоҳ с.а.в. : «Сизлардан бирортангиз чап қўли билан овқатланмасин. Ҳамда чап қўли билан бирор ичимлик ичмасин. Чунки шайтон чап қўли билан овқатланиб, чап қўли билан ичимлик ичади», дедилар. Имом Муслим ривояти.
1635/3. Абу Ҳурайрадан р.а. ривоят қилинади. Расулуллоҳ с.а.в. : «Яҳудий ва насронийлар (соч, соқолларини) бўяшмайди. Сизлар уларга хилоф қилиб бўяйверинглар», деб айтдилар. Имом Бухорий ва Муслим ривоятлари.
Яъни, оқарган соч ва соқолни сариқ ёки қизилга бўяш жоиз. Аммо қора рангга бўяшдан қайтарилган. Буни кейинги бобда зикр қиламиз, иншааллоҳ.
|