913/1. Абдуллоҳ ибн Масъуд р.а. айтадилар: «Расулуллоҳ  с.а.в.  ҳузурларига кирсам, оғриқлари кучаяётган экан. У зотни ушлаб туриб: «Эй Расулуллоҳ, қаттиқ оғрияпсизми?» дедим. «Ҳа, мен сизлардан икки кишига бериладиган оғриқ билан касалланаман», дедилар Набий алайҳиссалом». Бухорий ва Муслим ривоятлари.

914/2. Саъд ибн Абу Ваққос р.а. ривоят қиладилар: «Қаттиқ касал бўлиб ётганимда, Расулуллоҳ  с.а.в.  мени кўргани кирдилар. «Эй Расулуллоҳ, кўриб турганингиздек бетобман. Биласиз бадавлат кишиман. Битта қизимдан бошқа меросхўрим йўқ», дедим...» Имом Бухорий ва Муслим ривоятлари.

915/3. Қосим ибн Муҳаммаддан р.а. ривоят қилинади. Оиша р.а.: «Вой бошим», дегандилар (Расулуллоҳ  с.а.в.  Оишага р.а. ёқтирмайдиган бир сўз айтдилар. Оиша р.а. эса бу айтган сўзларига эътироз билдирганларидан кейин) Расулуллоҳ  с.а.в. : «Ундай бўлса, ўзимнинг бошим оғрияпти», деб, ҳадиснинг қолганини зикр қилдилар. Имом Бухорий ривоятлари.