912/1. Имрон ибн Ҳусайндан р.а. ривоят қилинади. Расулуллоҳ с.а.в. ҳузурларига Жуҳайна қабиласидан зинодан ҳомиладор бўлган бир аёл келиб: «Эй Аллоҳнинг Расули, менга ҳад уриш лозим бўлиб қолди. Уни менга қоим қилинг», деди. Расулуллоҳ с.а.в. унинг яқинларини чақирдилар. «Унга чиройли муомала қил ва ҳомиласини туғиб бўлганидан кейин олиб кел», дедилар. Хотин туққанидан кейин уни келтиришди. Расулуллоҳ с.а.в. аёлнинг кўйлагини маҳкам боғлашни, сўнг тошбўрон қилишни буюрдилар. Ҳукм ижро қилинганидан кейин унга жаноза намозини ўқидилар. Имом Муслим ривоятлари.
|