772/1. Анасдан р.а. ривоят қилинади. Бир куни намоз вақти кирганида уйи яқинлар (таҳорат олиш учун) ўз хонадонларига кириб кетишди. Бошқалар эса ўша жойда қолишди. Расулуллоҳга с.а.в. тошдан ясалган бир идиш олиб келинди. У идиш шу қадар кичик эдики, у зотнинг кафтлари ёзилса, сигмас эди. Ўша ердаги ҳамма одам шу идишдаги сувда таҳорат қилди. Анасдан р.а.: «Ўшанда қанча киши эдингизлар?» деб сўрашди. Анас р.а.: «Саксон ва ундан кўпроқ киши эдик», дедилар. Имом Бухорий ва Муслим ривоятлари.
Бу имом Бухорий ривоятларидаги лафз. Имом Муслимнинг ривоятларида: «Расулуллоҳ с.а.в. идишда сув олиб келинишини буюрдилар. Бас, саёз бир идишда сув келтирилди. Ва бармоқларини унга тиқиб турдилар. Анас р.а.айтадилар: «Сувга қарасам, у зотнинг бармоқлари орасидан сув тошиб чиқаётган эди.
У ерда таҳорат қилаётганларнинг сони етмиш билан саксон ўртасида, деб тахмин қилдим».
773/2. Абдуллоҳ ибн Зайддан р.а. ривоят қилинади. Бир куни Расулуллоҳ с.а.в. ҳузуримизга келдилар. Биз у зотга мисдан бўлган идишда сув келтирдик. У зот ўша сувда таҳорат қилдилар. Имом Бухорий ривоятлари.
774/3. Жобирдан р.а.ривоят қилинади. Расулуллоҳ с.а.в. бир куни саҳобалар билан бирга ансорийлардан бирининг уйига кириб: «Ҳузурингда кечаси мешга олиб қўйган сувинг бўлса, келтир. Бўлмаса, оғзимиз билан ичамиз», дедилар. Имом Бухорий ривоятлари.
775/4. Ҳузайфадан р.а. ривоят қилинади. Расулуллоҳ с.а.в. ипак ва кимхоб кийишдан ҳамда тилла, кумуш идишларда сув ичишдан маън қилдилар. Ва: «Бу нарсалар бу дунёда кофирлар учун, охиратда эса сизлар учундир», дедилар. Имоми Бухорий ва Муслим ривоятлари.
776/5, Умму Саламадан р.а. ривоят қилинади. Расулуллоҳ с.а.в. : «Кумуш идишларда сув ичадиганлар қорнини дўзах оловига тўлдирибди», дедилар. Имом Бухорий ва Муслим ривоятлари.
Имом Муслимнинг ривоятларида: «Тилла ва кумуш идишларда сув ичувчи ва овқатланувчилар» бўлиб келган. Муслимнинг бошқа ривоятларида: «Ким тилла ёки кумуш идишда (сув) ичса, қорнини дўзах оловига тўлдирибди», дейилган.
776/5. Умму Саламадан р.а. ривоят қилинади. Расулуллоҳ с.а.в. : «Кумуш идишларда сув ичадиганлар қорнини дўзах оловига тўлдирибди», дедилар. Имом Бухорий ва Муслим ривоятлари.
Имом Муслимнинг ривоятларида: «Тилла ва кумуш идишларда сув ичувчи ва овқатланувчилар» бўлиб келган. Муслимнинг бошқа ривоятларида: «Ким тилла ёки кумуш идишда (сув) ичса, қорнини дўзах оловига тўлдирибди», дейилган.
|