Аллоҳ таоло: «Ким Аллоҳ қонунларини ҳурмат қилса, бас, албатта, (бу ҳурмат) дилларнинг тақводорлиги сабабли бўлур» (Ҳаж сураси, 32-оят), деб айтган.
703/1. Абу Ҳурайрадан р.а. ривоят қилинади. Расулуллоҳ с.а.в. : «Агар намозга иқомат айтилса, югуриб келманглар. Балки юриб (оҳиста) келинглар. Ўзингизга хотиржамликни лозим тутинг. Имомга етиб келсангиз, у билан ўқинглар. Ўтиб кетган бўлса, охирига етказиб, ўзингиз (қолиб кетганини) мукаммал қилинглар», деб айтдилар. Имом Бухорий ва Муслим ривоятлари.
Имом Муслимнинг ривоятларида: «Сизлардан қайси бирингиз намоз ўқишни қасд қилса, гўёки намоз ичида турган ҳисобланади»ни зиёда қилинган.
704/1. Ибн Аббосдан р.а. ривоят қилинади. Бу зот Арафа куни Расулуллоҳ с.а.в. билан бирга эдилар. Расулуллоҳ с.а.в. кетатуриб, орқа томонларидан уриб ҳайдалганидан чопиб келаётган туянинг қаттиқ овозини эшитдилар. Кейин уларга қамчилари билан ишора қилиб: «Эй инсонлар, ўзингизга хотиржамликни лозим тутинглар. Чунки яхшилик шошилиш билан бўлмайди», дедилар. Имом Бухорий ривоятлари. Имом Муслим баъзисини ривоят қилганлар.
|