Расулуллоҳ (с.а.в.) томонидан айтилган ҳадиси шарифларга амал қилиш мусулмонлар жамоасига лозим ва лобуддир. Ҳадиси шариф ҳақиқатдан ҳам ул зоти шарифнинг ўзларидан чиққани маълум бўлса, унга албатта амал қилинади. Буни аниқлашнинг бирдан-бир йўли ҳадиснинг Аллоҳнинг китоби “Қуръон”га тўғри келиши, унинг ҳукмига мувофи бўлишидир. Буни ўз вақтида Расулуллоҳнинг (с.а.в.) ўзлари таъкидлаганлар:
سَيَأْتِيكُمْ عَنِّى أَحَادِيثُ مُخْتَلِفَةٌ فَمَا جَاءَكُمْ مُوَافِقاً لِكِتَابِ اللَّهِ وَلِسُنَّتِى فَهُوَ مِنِّى وَمَا جَاءَكُمْ مُخَالِفاً لِكِتَابِ اللَّهِ وَلِسُنَّتِى فَلَيْسَ مِنِّى
“Яқинда менинг номимдан ҳар хил ҳадислар сизларга келади. Агар улар Аллоҳнинг китобига ва менинг суннатимга мувофиқ келса, демак, у мендандир. Модомики Аллоҳнинг китобига ва менинг суннатимга мухолиф келадиган бўлса, демак, у мендан эмас!” (1)

***

1. Дорақутний 4/4524.