Исломда дунёга муккасидан кетиш, унга берилиш билан бирга тарки дунё қилиш ва роҳиблик қилиш ҳам қораланади. Шу маънода Расулуллоҳ (с.а.в.) бундай деб марҳамат қилганлар:
من تبتل فليس منا
“Кимки тарки дунё қилса, у биздан эмас!” (1)
    Юқоридаги маънодан келиб чиқиб, Ҳазрати Али (к.в.) Кўфа шаҳрининг минбарида мавъиза қилаётганида бундай деб маъруза қилган экан:
يا أيها الناس اني سمعت رسول الله صلى الله عليه و سلم يقول إياكم ولباس الرهبان فانه من ترهب او تشبه فليس منى
“Эй, одамлар! Мен Расулуллоҳнинг (с.а.в.) бундай деганларини эшитганман. Ул зот бундай деганлар: “Роҳиблар либосидан сақланинг. Кимки роҳиблик қилса ёки уларга ўзини ўхшатса, демак, у мендан эмас!” (2)

***

1. Абдурраззоқ 7/12592; 11/20570; Суютий “Жамъ ал-жавомеъ” 1/1320; ал-Муттақий “Канз ал-уммол” 22/44414.
2. Табароний “Мўъжам ал-авсат” 4/3909; Ҳайсамий “Мажмаъ аз-завоид” 5/8575.