Эркакларнинг ипак кийим кийиши, одамларнинг кумуш ва тилла идишлар ишлатиши манманлик, кибр аломатларидандир. Бинобарин, Расулуллоҳ (с.а.в.) бу хил ишлардан қайтарганлар: من لبس الحرير وشرب في الفضة فليس منا “Кимки ипак кийса ва кумушда ичса, демак, у биздан эмас!” . (1) Мазкур ҳадисда эркакларгагина ипак кийимларни кийиш назарда тутилмоқда. Зотан, бошқа ҳадиси шарифларда аёлларга ипак кийим кийиш мумкинлиги ва эркакларни бундай қайтариш лозимлиги очиқ баён этилган. Имом Бухорий ривоятидаги бир ҳадисда ипакдан бўлган тўшакнинг устида ястаниб ўтиришдан ҳам қайтарилган, ҳатто уловнинг эгари кимхобдан бўлишидан ҳам огоҳлантирилган . (2) Кумуш ва албатта тиллодан бўлган идишларни ишлатиб, уларда сув ичиш ва таом ейишдан ҳам қаттиқ қайтарилган. “Кимки дунёда ипак кийим кийса, охиратда кия олмайди” деб таъкидланган . (3) Зарурат пайтида ипак кийимлар кийиш мумкин, албатта . (4)
***
1. Табароний “Мўъжам ас-сағир” 1/698; “Мўъжам ал-авсат” 5/4837; Суютий “Жомеъ ал-аҳодис” 21/23779; “Жамъ ал-жавомеъ” 1/6513; ал-Муттақий “Канз ал-уммол” 19/41222. 2. Бухорий 5/5499, 5511, 5868, 5881; Муслим 3/2066, 3. Бухорий 5/5495-5496; Муслим 3/2073-2074. 4. Бухорий 5/5501; Муслим 3/2076.
|