53. Анасдан ривоят қилинади: «Бир аъробий масжидга сийди. Бас, қавмнинг баъзилари унга турдилар. Бас, Расулуллоҳ соллаллоҳу алайҳи васаллам: «Уни ўз ҳолига қўйинглар, уни (сийишини) кесманглар», дедилар. (У сийишдан) фориғ бўлганида, бир челак (сув) чақириб, сийдиги устига қуйдилар. Абу Абдурроҳман: “Уни кесманглар”, -дегани”, - деди.
54. Анасдан ривоят қилинади: «Бир аъробий масжидга сийди. Бас, Набий соллаллоҳу алайҳи васаллам бир пақир сув(олиб келиш)га амр қилдилар. Бас, у(сийдик)нинг устидан қуйилди», деди.
55. Анасдан ривоят қилинади: «Бир аъробий масжидга келиб, сийди. Бас, одамлар унга қичқирдилар. Бас, Расулуллоҳ соллаллоҳу алайҳи васаллам: «Уни тек қўйинглар», дедилар. Бас, (одамлар) уни сийиб бўлгунича тек қўйдилар. Кейин (у Зот) бир пақир сув(олиб келиш)га амр қилдилар. Бас, у(сийдик)нинг устидан қуйилди», деди.
56. Абу Ҳурайрадан ривоят қилинади: «Бир аъробий туриб бориб, масжидга сийди. Бас, одамлар уни зажр қилдилар. Расулуллоҳ соллаллоҳу алайҳи васаллам уларга: «Уни ўз ҳолига қўйинглар ва сийдиги устига бир челак сув қуйинглар. Албатта, сиз енгиллаштирувчи этиб юборилгансизлар, қийинлаштирувчи этиб эмас», дедилар».
|