19. Муоз Оиша розияллоҳу анҳодан ривоят қилади: «Эрларингизни сув билан покланишга буюринглар, чунки мен улардан уяламан. Албатта, Росулуллоҳ соллаллоҳу алайҳи васаллам шундай қилар эдилар (сув билан истинжо қилар эдилар)», дедилар. Бу бобда Жарир, Анас ва абу Ҳурайра розияллоху анхулардан ривоятлар бор. Абу ийсо: «Бу ҳадис ҳасан саҳиҳдир», деганлар. Аҳли илмлар ушбу ҳадисга амал қилганлар. Улар: сув билан истинжо қилишни ихтиёр этишади. Гарчи тош билан истинжо қилишнинг ўзи кифоя қилади, дейишса ҳам, улар сув билан истинжо қилиш мустаҳаб, деб бу ишни афзалроқ деб билишган. Бу сўзни Суфён ас-Саврий, ибн Муборак, Шофеъий, Аҳмад ва Иcҳоқлар айтишган.
|