18. Абдуллоҳ ибн Масъуд розияллоҳу анҳудан ривоят қилинади: «Росулуллоҳ соллаллоҳу алайҳи васаллам тезак билан ва суяк билан истинжо қилманглар, чунки албатта у (суяк) жинлардан бўлган биродарларингизнинг (жин биродарларингизнинг) озуқасидир», деганлар. Абу Ийсо: «Бу бобда абу Ҳурайра, Салмон, Жобир ва ибн Умар розияллоху анхулардан ҳам ривоятлар бор», дедилар. Абу Ийсо айтадилар: Алқама Абдуллоҳ ибн Масъуд розияллоҳу анҳудан ривоят қилган ҳадисга кўра, у киши, яъни ибн Масъуд жин кечасида Набий соллаллоҳу алайҳи васаллам билан бирга бўлганлар. Шаъбий ривоят қиладилар: «Албатта Набий соллаллоҳу алайҳи васаллам «Тезак ва суяк билан истинжо қилманглар, чунки албатта у ( суяк) жинлардан бўлган биродарларингизнинг (жин биродарларингизнинг) озуқасидир», дедилар. Аҳли илмлар «Бу ҳадисга амал қилинади», дейишган. Яна бу бобда Жобир ва ибн Умар розияллоҳу анҳулардан ҳам ривоятлар бор.
|