Абу Саиддан ривоят қилинади. У шундай деди:
“Расулуллоҳ соллаллоҳу алайҳи васаллам:
“Намозни ҳеч нарса кесмайди,  қўлинглардан келганича (ўтувчини) қайтаринглар. Бас, албатта, у шайтондир”, дедилар”.

Абул Ваддок шундай деди:
“Қурайшдан бўлган бир йигит Абу Саид ал-Худрийнинг намоз ўқиётган ҳолатида олдидан ўтди. У уни даф қилди. Сўнгра у қайтган эди, уч марта даф қилди. Намозни тугатгач шундай деди:
“Албатта намозни ҳеч нарса кеса олмайди, лекин Расулуллоҳ соллаллоҳу алайҳи васаллам:
“Қўлинглардан келганича (ўтувчини) қайтаринглар, бас, албатта, у шайтондир”,  деганлар”.
Абу Довуд шундай деди: “Агар Расулуллоҳ соллаллоҳу алайҳи васалламдан ривоят қилинган иккита хабар бир-бирига тескари бўлиб қолса, у зотдан кейин қолган саҳобалари амал қилганига қаралади”.