Саид ибн Абу Саид ал-Мақбурий отасидан ҳадис айтади:
“У Набий соллаллоҳу алайҳи васалламнинг озод қилган қуллари Абу Рофеънинг тик туриб намоз ўқиётган Ҳасан ибн Али алайҳимассаломларнинг ёнидан ўтаётиб, унинг (Ҳасаннинг) орқасига турмаклаб олган соч ўримини ечиб юборганини кўрди. Бас, Ҳасан унга ғазаб ила ўгирилди. У бўлса:
“Намозингга юзлан. Ғазаб қилма. Мен Расулуллоҳ соллаллоҳу алайҳи васалламнинг:
“Бу шайтоннинг тўқимидир”, деяётганларини эшитганман”, деди”.
Яъни шайтоннинг мақъади, яъни унинг соч ўримининг турмакланган жойи.

Ибн Аббоснинг озод қилган қули Қурайб ҳадис айтиб берди: абдуллоҳ ибн Аббос Абдуллоҳ ибн Ҳориснинг сочини ўриб, ортидан турмаклаб олган ҳолда намоз ўқиётганини кўрди. Орқасида туриб уни еча бошлади. Унинг (бу ишига) наригиси қимирламай турди. Қачон намозни тугатгач, ибн Аббосга юзланиб:
“Бошимни нима қилдинг?” деди. У:
“Албатта, мен Расулуллоҳ соллаллоҳу алайҳи васалламдан:
“Албатта, бунинг мисоли қўли орқага боғланган ҳолда намоз ўқиганнинг мисолидек” деяётганларини эшитдим”, деди”.