Ҳаммомдан ривоят қилинади: “Мадоинда Ҳузайфа инсонларга дўкон устига чиқиб имомлик қилди. Абу Масъуд унинг кўйлагидан ушлаб тортди. Намоздан фориғ бўлгач унга: “Ана шундан улар қайтарилган эканликларини билмасмидинг?” деди. У: “Дарҳақиқат, мени тортганингда эсимга тушди”, деди.
Адий ибн Собит ал-Ансорийдан ривоят қилинади. Унга бир киши ҳадисни айтиб берди: “У Аммор ибн Ёсир билан бирга Мадоинда экан, намозга такбир айтилди. Аммор олдинга чиқиб, дўкон устига турдида, намоз ўқиди. Инсонлар ундан пастда эдилар. Ҳузайфа олдинга чиқиб уни икки қўлидан ушлади. Аммор унга Ҳузайфа уни тушириб қўйгунча эргашди. Аммор намозидан фориғ бўлгач, Ҳузайфа унга: “Расулуллоҳ соллаллоҳу алайҳи васалламнинг: “Агар бир киши қавмга имом бўлса, уларнинг ўрнидан баландроқ маконга турмасин”, деяётганларини эшитмаганмидинг”, деди. Ёки шунга ўхшашини айтди. Аммор: “Ана шунинг учун икки қўлимдан ушлаганингда сенга эргашдим”, деди”.
|