Мавломиздан (яъни, Бани Уқай мавлоси) бўлган Абу Атийя шундай деди: “Молик ибн Ҳувайрис бизнинг ушбу намозгоҳимизга келиб турар эди. Бас, намоз такбири айтилганда биз унга: “Олдинга ўтиб, намоз ўқиб бер”, дедик. “Сизлардан бирингиз ўтиб, сизларга намозни ўқиб берсин. Мен албатта, нима учун намозга ўтмаслигимни айтиб бераман. Расулуллоҳ соллаллоҳу алайҳи васалламнинг: “Ким бир қавмни зиёрат қилса, уларга имом бўлмасин, улардан бири имом бўлсин”, деганларини эшитганман”, деди”.
|