Умму Жаҳдар ал-Омирия Оиша розияллоҳу анҳодан кийимга теккан ҳайзнинг қони ҳақида сўради. У киши шундай деди: “Мен Расулуллоҳ соллаллоҳу алайҳи васаллам билан бирга эдим. Бизнинг бир изоримиз бўлиб, унинг устидан кийимни ёпинардик. Тонг отгач Расулуллоҳ соллаллоҳу алайҳи васаллам у кийимни олиб кийдилар. Сўнгра чиқиб бомдод намозини ўқидилар. Кейин ўтирдилар. Шунда бир киши: “Эй Аллоҳнинг Расули! Бу қон томчиси”, деди. Расулуллоҳ соллаллоҳу алайҳи васаллам унинг ёнидан ушлаб, ғуломнинг қўлида ўралган ҳолда менга жўнатдилар. “Буни ювиб, қуритгин. Сўнгра уни менга жўнатгин”, дедилар. Мен тоғорамни чақиртирдим. Кийимни ювиб, сўнгра қуритдим ва уни у зот соллаллоҳу алайҳи васалламга қайтариб жўнатдим. Расулуллоҳ соллаллоҳу алайҳи васаллам куннинг ярмида келдилар, устиларида ўша кийим бор эди”.
|