Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам ўтирган эдилар. Бир аъробий масжидга кириб намоз ўқиди. Ибн Абда: “Икки ракат”, деган. Сўнгра: “Менга ва Муҳаммадга раҳм қил! Биздан бошқасига раҳм қилма”, деди. Шунда Набий соллаллоҳу алайҳи васаллам: “Батаҳқиқ, сен кенгликни торайтирдинг”, дедилар. Сўнг аъробий туриб бориб, масжидга сийди. Бас, одамлар унга зажр қилдилар. Пайғамбар соллаллоҳу алайҳи васаллам уларга: “Уни ўз ҳолига қўйинглар ва сийдиги устига бир челак сув қуйинглар. Албатта, сиз енгиллаштирувчи этиб юборилгансизлар, қийинлаштирувчи этиб эмас”, дедилар”.
Маъқал ибн Муқорриндан ривоят қилинади. У: “Бир аъробий Набий соллаллоҳу алайҳи васаллам билан намоз ўқиди”, деб мана шу қиссани айтиб берди. Унда шундай деди: “Яъни Набий соллаллоҳу алайҳи васаллам шундай дедилар: “У бавл қилган жойнинг тупроғини олиб ташлаб, унинг ўрнига сув қуйинг”. Абу Довуд шундай деди: “У мурсалдир. Ибн Маъқал Набий соллаллоҳу алайҳи васалламга етказмаган”.
|