Оиша розияллоҳу анҳодан ривоят қилинади. У киши шундай деди:
“Расулуллоҳ соллаллоҳу алайҳи васаллам  бизнинг изорларимизда ёки кўрпаларимизда, намоз ўқимас эдилар”.
Убайдуллоҳ:
“Отам шак қилган”, деди.

Оиша розияллоҳу анҳодан ривоят қилинади. У киши шундай деди:
“Набий соллаллоҳу алайҳи васаллам  бизнинг кўрпаларимизда намоз ўқимас эдилар”.
Ҳаммод шундай деди:
“Саид ибн Абу Садақадан шундай деганини эшитдим:
“Муҳаммаддан бу ҳадис ровийсини сўраганимда, менга уни айтиб бермади ва:
“Бу ҳадисни эшитганимга кўп замонлар бўлди. Кимдан эшитганимни эслай олмайман. Уни Сабатдан эшитдимми ёки йўқ, бас ундан сўранглар”, деди”.