Умму Салама розияллоҳу анҳудан ривоят қилинади.У шундай деди:
“Расулуллоҳ соллаллоҳу алайҳи васаллам замонларида нифосли аёллар нифосидан кейин қирқ кун ёки қирқ кеча ўтирар эдилар. Биз юзимизни варс (ипакни бўяш учун ишлатиладиган ўсимлик) билан бўяб олар эдик, яъни ҳомиладорлик пайтидаги доғлардан сақланиш учун”.

Касийр ибн Зиёддан ривоят қилинади. У шундай деди: Аздийя –  яъни Муссаҳ –  менга айтиб берди:
“Мен ҳаж қилганимда Умму Салама розияллоҳу анҳонинг олдига кирдим:
“Эй мўъминларнинг онаси! Самура ибн Жундуб аёлларнинг ҳайз вақтидаги намозини қазосини ўқимоқликка буюрмоқда”, дедим. У:
“Қазоларини ўқимайдилар. Набий соллаллоҳу алайҳи васалламнинг аёлларидан бўлган аёл нифосда қирқ кеча ўтирар эди. Уни Набий соллаллоҳу алайҳи васаллам нифосдаги намозини қазосини ўқишга буюрмас эдилар”, деди”.
Муҳаммад яъни ибн Ҳотим шундай деди:
“Унинг исми Муссаҳ бўлиб, Умму Буссаҳ деб куняланган”.
Абу Довуд шундай деди:
“Касийр ибн Зиёднинг куняси Абу Саҳл эди”.