Анас ибн Молик розияллоҳу анҳудан ривоят қилинади:
“Албатта, яҳудийлар агар улардан бир аёл ҳайз кўрса, уни уйдан чиқариб, у билан бирга  овқатланмасдилар ва ичимлик ичмасдилар, ҳамда уйда у билан аралашиб юрмас эдилар. Расулуллоҳ соллаллоҳу алайҳи васалламдан ушбу хусусда сўралди. Бас Аллоҳ субҳанаҳу ва таоло:
“Сендан ҳайз ҳақида сўрарлар. Сен:
“У азиятдир, бас, ҳайзда аёллардан четланингиз”, деб айт”, оятини охиригача нозил қилди. Расулуллоҳ соллаллоҳу алайҳи васалламшундай дедилар:
“Уйларда улар билан аралашиб юринглар, қўшилишдан бошқа барча нарсани қилаверинглар”.
Яҳудийлар:
“Бу одам бизнинг ишимиздан бирортасини қўймай хилоф қилади”, дейишди.
Кейин Усайд ибн Ҳузайр ва Аббод ибн Бишр­лар келиб:
“Эй Аллоҳнинг Расули, яҳудийлар бундоқ, бундоқ, демоқдалар, у (аёл)ларга яқинлик қилаверайликми?” дедилар. Бас, Расулуллоҳ соллаллоҳу алайҳи васалламнинг юзлари ўзгариб кетди, ҳатто биз иккисидан аччиқлари чиқди, деб ўйладик. Икковлари чиқишди. Шунда уларнинг қаршисидан Расулуллоҳ соллаллоҳу алайҳи васалламга ҳадяга сут келиб қолди. У зот уларнинг ортларидан сут юбориб, икковларига ичирдилар. Бас, биз у зотнинг иккисидан аччиқланмаганларини билдик”.

Оиша розияллоҳу анҳодан ривоят қилинади. У шундай деди:
“Мен ҳайзли ҳолимда суяк ғажиб, уни Набий соллаллоҳу алайҳи васалламга берар эдим. У зот соллаллоҳу алайҳи васалламоғизларини мен оғзимни қўйган жойга қўярдилар. Мен ичимлик ичиб, уни у зот соллаллоҳу алайҳи васалламга берардим. У зот соллаллоҳу алайҳи васалламмен ичган жойга оғизларини қўярдилар”.

Оиша розияллоҳу анҳодан ривоят қилинади. У шундай деди:
“Мен ҳайзли бўлган ҳолимда Расулуллоҳ соллаллоҳу алайҳи васаллам менинг кўксимга бошларини қўйиб, Қуръон ўқир эдилар”.