Қатода ибн Диома Анас ибн Моликдан ривоят қилади: “Бир киши Набий соллаллоҳу алайҳи васалламнинг олдиларига келди. Батаҳқиқ, у таҳорат қилган ва қадамларида тирноқ ўрничалик жойни (ювмасдан) тарк қилган эди. Расулуллоҳ соллаллоҳу алайҳи васаллам унга: “Қайт, таҳоратингни яхшилаб қил!”- дедилар”. Абу Довуд айтади: “Бу ҳадис Жарир ибн Хозимдан (ривоят қилингани) маъруф эмас. Уни фақат ибн Ваҳбнинг ёлғиз ўзи ривоят қилган. Батаҳқиқ, Маъқил ибн Убайдуллоҳ ал-Жазарийдан, у Абу Зубайрдан, у эса Жобирдан, Жобир Умар розияллоҳу анҳудан, у Набий соллаллоҳу алайҳи васалламдан шу каби ҳадисни ривоят қлинади. Унда: “Қайт, таҳоратингни яхшилаб қил!”- деди”.
Юнус ва Ҳумайд Ҳасандан, у киши Набий соллаллоҳу алайҳи васалламдан Қатода (Анас розияллоҳу анҳудан ривоят қилган ҳадисининг) маъносини ривоят қилади.
Холид Набий соллаллоҳу алайҳи васалламнинг баъзи саҳобаларидан ривоят қилади: “Албатта Набий соллаллоҳу алайҳи васаллам бир кишининг намоз ўқиётганини кўрдилар. Унинг қадами устида дирҳам миқдорича сув тегмаган кўзга ташланди. Набий соллаллоҳу алайҳи васаллам уни таҳорат ва намозни қайта қилмоқликка буюрдилар”.
|