Уқба ибн Омир розияллоҳу анҳудан ривоят қилинади. У киши шундай деди: “Биз Расулуллоҳ с.а.в) билан бирга ўз-ўзимизга хизматчи эдик. Туяларимизни навбат билан қараб турардик. Туяга қараш навбати менга келганда, уларни кечга яқин жойларига олиб келдим ва Расулуллоҳ с.а.вни инсонларга хутба қилаётганликларини топдим. У зот с.а.внинг шундай деяётганларини эшитдим: “Сизлардан бирингиз таҳорат олса, уни гўзал суратда қилса, сўнгра туриб, қалби ва юзи ила иқбол қилган ҳолда икки ракат намоз ўқиса, албатта, унга (жаннат) вожиб бўлади”. Мен: “Бай, бай! Бунданда ажойиб нарса борми?”- дедим. Олдимдаги бир киши шу сўздан кейин: “Эй Уқба! Бунданда ажойиброғи бор”, деди. Ўгирилиб қарасам, Умар ибн Хаттоб розияллоҳу анҳу экан. Унга: “У нима, эй Абу Ҳафс?”-дедим. У киши: “Ҳозиргина сен келмасингдан олдин шундай дедилар: “Сизлардан бирингиз таҳорат олса, уни гўзал суратда қилса сўнгра таҳоратдан фориғ бўлгач: “Ашҳаду аллаа илааҳа иллаллооҳу ваҳдаҳуу лаа шарийка лаҳуу, ва анна Муҳаммадан абдуҳуу ва росуулуҳуу”, деса, у учун саккиз жаннатнинг эшиги очилиб, уларнинг хоҳлаганидан киради”, деди. Муовия айтади: “Менга Робиъа ибн Язид айтиб берди. Унга Абу Идрис, унга эса Уқба ибн Омир айтиб берган”.
Уқба ибн Омир ал-Жуҳаний Набий с.а.вдан шунга ўхшаш ҳадисни ривоят қилиб, фақат унда туяларни қараш ишини зикр қилмаган ва: “Таҳоратни гўзал суратда қилса”, деган сўзларидан сўнг: “Сўнгра кўзларини осмонга қаратиб”, ни келтирган ва Муовия ҳадисининг маъносини бу ҳадиснинг давомида келтирган.
|