Абу Разин ва Абу Солиҳ Абу Ҳурайра розияллоҳу анҳудан ривоят қилади:
“Расулуллоҳ соллаллоҳу алайҳи васаллам:
“Сизлардан бирингиз кечқурунги (уйқудан) турса қўлини идишга токи уч маротаба ювмагунча ботирмасин! Чунки у қўлининг қаерда тунаганлигини билмайди”.

Абу Солиҳ Абу Ҳурайра розияллоҳу анҳудан ушбу (яъни юқоридаги)  ҳадисни ривоят қилади ва унда “икки маротаба ёки уч маротаба”, дейди. Ҳамда Абу Разинни зикр қилмайди.

Абу Марям Абу Ҳурайрадан эшитганини ривоят қилади:
“Мен Расулуллоҳ соллаллоҳу алайҳи васаллам нинг:
“Сизлардан бирингиз агар уйқусидан уйғонса қўлини токи уч маротаба ювмасдан идишга солмасин. Албатта бирингиз қўлининг қаерда тунаганлигини  ёки қўлининг қаерда айланганини билмайди”, деганларини эшитдим”.