Абдуллоҳ ибни Абдуллоҳ ибни Умар отасидан ривоят қилиб айтади: “Росуллуллоҳ соллаллоҳу алайҳи васалламдан турли ҳайвонлар, йиртқичлар тегиб кетган сув ҳақида сўралди. Бас, Расулуллоҳ соллаллоҳу алайҳи васаллам: “Вақтики, сув икки қуллага етса, нажас бўлмайди”, дедилар”.( Қулла катта сув меши бўлиб, унинг биттасига ўша даврнинг ўлчови билан бағдодий ҳажмда 250 ратл сув сиғган. Бир ратл бағдодий 408 грамм бўлиб, икки қулла сув 204 килограмм бўлади) Абу Довуд шундай деди: “Бу ибнул Алоининг лафзидир. Усмон ва Ҳасан ибни Али Муҳаммад ибни Аббод ибни Жаъфардан ривоят қилиб айтди”. Абу Довуд: “Ва у тўғридир”, деди.
Убайдуллоҳ ибни Абдуллоҳ ибни Умар отасидан ривоят қилади: “Албатта Расулуллоҳ соллаллоҳу алайҳи васалламдан очиқликдаги сув тўғрисида сўралди”. Юқоридаги ҳадис маъносини зикр қилдилар.
Убадуллоҳ ибни Абдуллоҳ ибни Умар розияллоҳу шундай деди: “Менга дадам айтиб берди: “Дарҳақиқат Расуллуллоҳ (с.а.в.) шундай дедилар: “Агар сув икки қулла бўлса, бас албатта у нажас бўлмайди”.
|