Бизга Мусаддад ва Сулаймон ибни Довуд ал-Атакийлар айтиб берди... Абу Бурда отасидан ривоят қилади. Мусаддад айтади: “Абу Бурданинг отаси шундай деди: “Расулуллоҳ соллаллоҳу алайҳи васалламнинг олдиларига бизни (бирор маркабга) миндиришларини талаб қилиб бордик. У зот соллаллоҳу алайҳи васалламнинг тилларига Мисвок қилаётганларини кўрдим”. Абу Довуд шундай деди: “Сулаймон айтади: “Абу Бурданинг отаси шундай деди: “Набий соллаллоҳу алайҳи васалламнинг олдиларига кирдим. У зот соллаллоҳу алайҳи васаллам Мисвок ишлатаётган эдилар. Тилларининг тарафига Мисвокни қўйдилар ва “иҳ, иҳ” яъни қайт қилишда чиқадиган овоз (га ўхшаш) чиқардилар. Абу Довуд шундай деди: “Мусаддад айтади: “Бу ҳадис узун эди, уни мухтасар қилдим”.
|