Абу Ҳурайра розияллоҳу анҳудан марфуъ бўлган ҳадисда Пайғамбаримиз соллаллоҳу алайҳи васаллам: “Агар мўъминларга машаққат бўлишини ўйламаганимда, уларга ҳуфтонни кечиктириш ва ҳар намоз олдида Мисвок ишлатишни буюрар эдим”, дедилар.
Зайд ибни Холид ал-Жуҳаний (р.а.)дан ривоят қилинади. У киши шундай дедилар: “Мен Расулуллоҳ (с.а.в.)нинг шундай деганларини эшитдим: “Агар умматимга машаққат бўлишини ўйламаганимда, уларга ҳар намоз олдидан Мисвок ишлатишни буюрар эдим”. Абу Салама шундай деди: “Зайдни масжидда ўтирганини кўрдим, котибнинг қулоғида қалам турадиган ўринда, унинг қулоғида Мисвок бор эди. Қачон намозга турса Мисвокни ишлатар эди”.
Муҳаммад ибни Яҳё ибни Ҳаббон Абдуллоҳ ибни Умарнинг ўғли Абдуллоҳдан (сўради): “Ибни Умар ҳар намозга таҳоратли ва таҳоратсиз бўлсин (янги) таҳорат олиши умумий деб тушунасанми?”. Абдуллоҳ шундай деди: “Менга Асмо бинти Зайд ибни Хаттоб бу ҳадисни айтиб берди, албатта унга Абдуллоҳ ибни Ҳанзала ибни Абу Омир айтиб берган: “Албатта Расулуллоҳ соллаллоҳу алайҳи васаллам ҳар намозга таҳоратли ва таҳоратсиз бўлсин (янги) таҳорат олишни буюрдилар. Қачонки бу унга машаққат бўлганда, ҳар намоз учун Мисвок ишлатишга амр қилдилар. Ибни Умар буни қилишга ўзини қувватли деб билди ва ҳар намоз учун таҳорат қилишни ташламади”. Абу Довуд: “ Иброҳийм ибни Саъд Муҳаммад ибни Исҳоқдан бу ҳадисни ривоят қилганида: “Убайдуллоҳ ибни Абдуллоҳ”, деган”, деди.
|