Ибни Умар розиаллоҳу анҳудан ривоят қилинади. У киши: “Бир киши Набий (с.а.в) олдиларидан ўтди. У зот бавл қилаётган эдилар, салом берди. Унга жавоб қайтармадилар”, дедилар. Абу Довуд: “Ибни Умар ва бошқадан ривоят қилинади: “Набий (с.а.в) таяммум қилдилар, сўнгра кишининг саломига алик олдилар”, деди.
Ал-Муҳожир ибни Қунфуз розиаллоҳу анҳудан ривоят қилинади: “ У киши Набий (с.а.в)нинг олдиларидан ўтди. У зот бавл қилаётган эдилар, салом берди. Унга жавоб қайтармадилар. Токи таҳорат қилиб, сўнгра узр айтдилар ва: “Албатта мен Аллоҳ азза ва жаллани таҳоратсиз ёки нопок зикр қилмоқни ёмон кўраман”, дедилар.
|