Анас ибни Моликдан ривоят қилинади: “Пайғамбар (с.а.в)” Қачонки халога кирсалар - Хаммоддан бўлган ривоятда- “Аллоҳумма инни аъузу бика” -(Эй Аллоҳим, Сендан паноҳ сўрайман), дер эдилар. -Абдулворисдан бўлган ривоятда эса- “Аъузу биллаҳи минал хубуси вал хабаиси” – (“Аллоҳдан эркак ва урғочи ифлослар (шайтонлар)дан паноҳ тилайман)”, дер эдилар”.
Яна ушбу ҳадис Анас розиаллоҳу анҳудан ривоят қилинади: “Аллоҳумма инни аъузу бика” - (Эй Аллоҳим, Сендан паноҳ сўрайман) - дер эдилар. Шуъба айтади: “Бир марта, “Аъузу биллаҳ” - (Аллоҳдан паноҳ сўрайман) – дедилар. Зайд ибни Арқамдан ривоят қилинади: Росуллуллоҳ (с.а.в) шундай дедилар: “Албатта мана бу хожат жойига шайтонлар тўрланадиган ўриндир, сизлардан бирингиз халога борса, “Аъузу биллаҳи минал хубуси вал хобаиси”, (Аллоҳдан эркак ва урғочи ифлослар (шайтонлар)дан паноҳ тилайман), десин.
|