74 (1424) 3470. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васалламнинг ҳузурларида эдим. Бир киши у Зотнинг олдиларига келиб ансорийлардан бир аёлга уйланганини хабар қилди. Шунда Расулуллоҳ соллаллоҳу алайҳи васаллам:
«Унга назар солдингми?» дедилар.
«Йўқ», деди у.
«Бор! Унга назар сол! Ансорийларнинг кўзларида бир нарсаси бўлади», дедилар».

75 (000) 3471. Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васалламнинг ҳузурларига бир киши келиб, ансорийлардан бир аёлга уйландим, деди. Шунда Набий соллаллоҳу алайҳи васаллам:
«Унга назар солдингми? Ансорийларнинг кўзларида бир нарсаси бўлади», дедилар.
«Мен унга қараган эдим».
«Қанча маҳрга уйландинг», дедилар».
«Тўрт увқияга», дедим.
Набий соллаллоҳу алайҳи васаллам:
«Тўрт увқияга? Гўёки кумушни тоғ ён-бағридан кўчириб олгандек қиласизлар-а? Бизнинг ҳузуримизда бериш учун нарсамиз йўқ. Лекин бирор жойга юборармиз, у ердан насибадор бўлиб келарсан», дедилар.
Бас Баний Абасга одам жўнатиб, мазкур кишини ҳам уларга қўшиб жўнатдилар.