511 (1397) 3370. Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Кўч боғлаб бориш фақат уч масжидгагина бўлади: менинг ушбу масжидимга, Масжидул ҳаромга ва Масжидул Ақсога», дедилар». (Изоҳ: «Кўч боғлаб бориш» дегани Аллоҳга қурбат ҳосил қилиш учун тайёргарлик кўриб, кўч-кўронини олиб сафар қилиш тушунилади. Демак, зиёратидан савоб умид қилиб, алоҳида ният билан сафар қилиш мумкин бўлган масжид учта экан. Улар: Мадинаи мунавварадаги пайғамбаримиз Муҳаммад Мустафо соллаллоҳу алайҳи васалламнинг масжидлари; Маккаи мукаррамадаги Масжидул ҳаром; Қуддус шарифдаги Масжидул Ақсо).
512 (000) 3371. Зуҳрийдан ҳам ушбу санад билан ривоят қилиниб, фақат унда: “Учта масжидгагина кўч боғлаб борилади”, дейилган.
513 (000) 3372. Абу Ҳурайра хабар берадилар: “Расулуллоҳ соллаллоҳу алайҳи васаллам: “Учта масжидгагина сафар қилинади. Каъба масжиди, менинг масжидим ва Илия масжиди”, дедилар.
|