430 (1257) 3269. Абдуллоҳ ибн Умардан ривоят қилинади:
Расулуллоҳ соллаллоҳу алайҳи васаллам Зулҳулайфадаги Батҳо номли ерга туяларини чўктириб, у ерда намоз ўқидилар. Абдуллоҳ ибн Умар ҳам ана шундай қилдилар.

431 (000) 3270. Нофеъдан ривоят қилинади:
"Абдуллоҳ ибн Умар Расулуллоҳ соллаллоҳу алайҳи васаллам туяларини чўктирган Зулҳулайфадаги Батҳо номли ерга туяларини чўктириб, у ерда намоз ўқирдилар".

432 (000) 3271. Нофеъдан ривоят қилинади:
"Абдуллоҳ ибн Умар агар ҳаж ёки умрадан қайтсалар Расулуллоҳ соллаллоҳу алайҳи васаллам туяларини чўктирган Зулҳулайфадаги Батҳо номли ерга туяларини чўктириб, у ерда намоз ўқирдилар".

433 (1346) 3272. Солим оталаридан ривоят қиладилар:
"Расулуллоҳ соллаллоҳу алайҳи васалламни Зулҳулайфага кечки пайт олиб келиниб, у зотга: "Сиз муборак Батҳодасиз", дейилди.

434 (000) 3273. Солим ибн Абдуллоҳ ибн Умар оталаридан ривоят қиладилар:
"Набий соллаллоҳу алайҳи васалламни Батнулводийдаги Зулҳулайфага кечки пайт олиб келиниб, у зотга: "Сиз муборак Батҳодасиз", дейилди.
Мусо айтадилар. Солим Абдуллоҳ туяларини чўктирган ерга бизни ҳам туямизни чўктириб, Расулуллоҳ соллаллоҳу алайҳи васаллам чўктирган жойларини аниқлар эди. Ўша чўктирган ерлари Батнулводийдаги масжиднинг пастидаги қибла билан унинг ўртасида эди.