335 (1308) 3152. . Ибн Умар розияллоҳу анҳудан ривоят қилинади:
«Расулуллоҳ соллаллоҳу алайҳи васаллам қурбонлик куни ифоза қилдилар. Сўнг қайтиб пешинни Минода ўқидилар».
Нофеъ айтадилар. Ибн Умар ҳам қурбонлик куни ифоза қилардилар. Сўнгра қайтиб пешинни Минода ўқирдилар. Набий соллаллоҳу алайҳи васаллам худди шундоқ қилишларини зикр қилардилар».

336 (1309) 3153. Абдулазиз ибн Руфайъ розияллоҳу анҳудан ривоят қилинади:
«Анас ибн Моликдан:
«Менга Расулуллоҳ соллаллоҳу алайҳи васалламдан ақлинг олган нарса ҳақида хабар бер. У зот тарвия куни пешинни қаерда ўқидилар?» деб сўрадим.
«Минода», деди.
«Минодан Маккага тушиш куни асрни қаерда ўқидилар?» дедим.
«Абтоҳда. Амирларинг нима қилса, шуни қил», деди.