187 (1233) 2987. Вабарадан ривоят қилинади: “Мен Ибн Умарнинг ҳузурларида ўтирган эдим. Бир киши келиб: “Мавқифга келишдан олдин Байтуллоҳни тавоф қилишим дурустми?” деганида, у зот: “Ҳа”, дедилар. У киши: “Ибн Аббос, то мавқифга келинмагунча тавоф қилма, дедилар”, деб айтди. Шунда Ибн Умар: “Расулуллоҳ соллаллоҳу алайҳи васаллам мавқифга келишдан олдин Байтуллоҳни тавоф қилдилар. Расулуллоҳ соллаллоҳу алайҳи васалламнинг сўзларини олиш ҳақлироқми ёки Ибн Аббосни сўзлариними? Агар рост сўзлаётган бўлсанг”, дедилар”.
188 (000) 2988. Вабарадан ривоят қилинади: “Бир киши Ибн Умардан: “Ҳажга эҳром боғлаб бўлдим, тавоф қиламанми? Деди. Ибн Умар: “Сени нима ман қилмоқда?” дедилар. У киши: “Мен фалончини ўғлини кўрдимки, у бу нарсани кариҳ кўрмоқда. Сиз эса бизга ундан кўра яхшироқсиз. Биз уни кўрдикки, дунё фитналантириб қўйибди”, деди. Шунда Ибн Умар: “Дунё қайси биримизни фитналантирмабдики?” деб сўнгра яна: “Расулуллоҳ соллаллоҳу алайҳи васалламни кўрдикки, ҳажга эҳром боғладилар. Байтуллоҳни тавоф қилдилар. Сафо ва марва орасида саъй қилдилар. Аллоҳ ва расулининг суннатига эргашмоқлик фалончининг суннатига эргашгандан ҳақлироқдир, агар рост гапираётган бўлсанг”, дедилар.
189 (1234) 2989. Амр ибн Динордан ривоят қилинади: Биз Ибн Умардан бир киши умрага келиб, Байтуллоҳни тавоф қилиб, Сафо ва марвани орасини тавоф қилмасидан олдин аёлига қўшиладими? Десак, у зот: “Расулуллоҳ соллаллоҳу алайҳи васаллам келиб, Байтуллоҳни етти марта тавоф қилдилар. Мақомни ортида икки ракат намоз ўқидилар. Сафо ва марва орасини етти марта тавоф қилдилар. Сизлар учун Расулуллоҳ соллаллоҳу алайҳи васалламда гўзал намуна бордир”, дедилар.
000 (000) 2990. Бу ерда юқоридаги ҳадис такрор келган.
|