199 (1161) 2743. Имрон ибн Ҳусойн розияллоҳу анҳудан ривоят қилинади:
«Расулуллоҳ соллаллоҳу алайҳи васаллам Имронга ёки бир кишига: «Шаъбон ўртасидан рўза тутдингми?» деганлар. У киши йўқ деганидан кейин:
«Ундоқ бўлса, оғзинг очиқ бўлганида зимманг­даги ўрнига икки кун рўза тут», деганлар.

200 (000) 2744. Имрон ибн Ҳусойн розияллоҳу анҳудан ривоят қилинади:
«Набий соллаллоҳу алайҳи васаллам бир кишига:
«Бу ойнинг ўртасидан бирор нарса тутдингми?» дедилар. Ҳалиги киши:
«Йўқ», деди. У зот соллаллоҳу алайҳи васаллам:
«Ундоқ бўлса, қачонки Рамазондан сўнг оғзинг очиқ бўлганда унинг ўрнига икки кун рўза тут», дедилар».
(Изоҳ: Бундан Шаъбон ойида ҳеч бўлмаса икки кун рўза тутиш кераклиги келиб чиқади).

201 (000) 2745. Имрон ибн Ҳусойн розияллоҳу анҳудан ривоят қилинади:
«Набий соллаллоҳу алайҳи васаллам бир кишига:
«Бу ойнинг яъни шаъбоннинг ўртасидан бирор нарса тутдингми?» дедилар. Ҳалиги киши:
«Йўқ», деди. У зот соллаллоҳу алайҳи васаллам:
«Ундоқ бўлса, қачонки Рамазондан сўнг оғзинг очиқ бўлганда унинг ўрнига бир ёки икки кун рўза тут», дедилар».
Шуъба бунда шак қилиб, икки кун бўлса керак, деб гумон қиламан, дедилар.

000 (000) 2746. Бу ерда юқоридаги ҳадис такрор келган.