94 (1033) 2382. Абдуллоҳ ибн Умардан (р.а.) ривоят қилинади:
Расулуллоҳ (с.а.в.) минбар устида туриб, садақа хусусида ҳамда тиланчиликдан тийилиш хусусида гапира туриб: "Устун қўл остин қўлдан яхшидир. Устун қўл инфоқ қилувчи қўлдир. Остин қўл тиланчи қўлдир", дедилар.

95 (1034) 2383. Ҳаким ибн Ҳизомдан (р.а.) ривоят қилинади:
Расулуллоҳ (с.а.в.): "Садақаларнинг афзали ёки садақаларнинг яхшиси, беҳожатлик ила бўлганидир. Устун қўл остин қўлдан яхшидир ва уни ўзингга аҳли аёл бўлганлардан бошла», дедилар».

96 (1035) 2384. Ҳаким ибн Ҳизом розияллоҳу анҳудан ривоят қилинади:
«Набий соллаллоҳу алайҳи васалламдан сўровдим бердилар. Яна сўровдим бердилар. Сўнгра яна сўровдим, яна бердилар ва:
«Эй ҳаким, албатта, бу мол яхшидир, шириндир. Ким уни саховатли нафс-ла олса, унга баракали бўлур. Ким уни қизғанчиқлик нафси-ла олса, унга баракали бўлмас. Худди еб тўймайдиганга ўхшайди. Устки қўл остки қўлдан яхшидир», дедилар.

97 (1036) 2385. Абу Умома розияллоҳу анҳудан ривоят қилинади:
«Набий соллаллоҳу алайҳи васаллам:
«Эй одам боласи, албатта, сен учун ортиқчасини аямаслигинг яхшидир. Унга мумсиклик қилмоғинг сен учун ёмондир. Ўзига етарли бўлган маломат қилинмас. Ўз аҳли аёлингдан бошла. Устун қўл остин қўлдан яхшидир», дедилар».