92 (1032) 2379. Абу Ҳурайра розияллоҳу анҳудан ривоят қилинади: «Бир киши Расулуллоҳ соллаллоҳу алайҳи васалламнинг ҳузурларига келиб: «Эй Аллоҳнинг Расули, қайси садақанинг ажри улуғдир», деди. «Ўзинг соғ-саломат, ҳирс қилиб туриб, фақирликдан қўрқиб туриб ва бойликни умид қилиб туриб, садақа қилмоғинг. Юриб-юриб (ёшинг бир жойга) келиб қолганда, фалончига бунча, фистончига бунча деб юрма. У фалончига бўлади», дедилар».
93 (000) 2380. Абу Ҳурайра розияллоҳу анҳудан ривоят қилинади: «Бир киши Набий соллаллоҳу алайҳи васалламнинг ҳузурларига келиб: «Эй Аллоҳнинг Расули, қайси садақанинг ажри улуғдир», деди. « Отангга қасам! Унинг хабарини берилур. Ўзинг соғ-саломат, ҳирс қилиб туриб, фақирликдан қўрқиб туриб ва боқийликни умид қилиб туриб садақа қилмоғинг. Юриб-юриб (жой) келиб қолганда, фалончига бунча, фистончига бунча деб юрма. У фалончига бўлади», дедилар». (Изоҳ: Расулуллоҳ соллаллоҳу алайҳи васалламнинг «Отасига қасамки», деган сўзлари ҳақиқий қасам эмас, балки арабларнинг одатига айланиб қолганидек, сўзлашганда қасам билан гапириш эди. Аслида қасам фақат Аллоҳ номи билан ичилади).
000 (000) 2381. Бу ерда юқоридаги ҳадис такрор келган. Фақат "Садақанинг афзали қайси" сўзи зиёда қилинган.
|