75 (1021) 2356. Абу Ҳурайрадан (р.а.) ривоят қилинади:
"Набий соллаллоҳу алайҳи васаллам:
«Бахил билан садақа берувчи (сахий)нинг мисоли худди икки темир совут кийган кишига ўхшайди. У совут кўкрагидан елкаларигачадир. Агар инфоқ қилувчи ёки садақа берувчи сахий агар садақа қилса, совути кенгайиб, бутун баданини ўраб, мукаммал бўлади.
Аммо бахил бирор нарса инфоқ қиладиган бўлса, темир либосининг ҳар бир ҳалқаси баданига қисилиб олади.  Хатто бармоқларини ёпиб, изини қолдирмайди.
Абу Ҳурайра (р.а.): "У уни кенгайтирмоқчи бўлади. Лекин у кенгаймайди», дедилар".

000 (000) 2357. Абу Ҳурайрадан (р.а.) ривоят қилинади:
"Расулуллоҳ соллаллоҳу алайҳи васаллам қуйидагича зарбулмасал қилдилар:
«Бахил билан садақа берувчи (сахий)нинг мисоли худди темир совут кийган икки кишига ўхшайди. У совут кўкрагидан елкаларигачадир. Садақа берувчи сахий агар садақа қилса, совути кенгайиб, бармоқ учини ҳам ўраб, изини қолдирмайди. Аммо бахил бирор нарса садақа қилишни қасд қиладиган бўлса, темир либосининг ҳар бир ҳалқаси ўз ўрнига жойлашиб олади.
Мен Расулуллоҳ (с.а.в.) бармоқларини чўнтакларига тиқиб турганларини кўрдим. Агар сен ҳам кўрганингда эди, у зот кенгайтирардилар-у, аммо кенгаймас эди.

77 (000) 2358. Абу Ҳурайрадан (р.а.) ривоят қилинади:
"Расулуллоҳ соллаллоҳу алайҳи васаллам:
«Бахил билан садақа берувчи (сахий)нинг мисоли худди темир совут кийган икки кишига ўхшайди. Садақа берувчи сахий агар садақа қилишни қасд қилса, совути кенгайиб, ҳатто изини қолдирмайди. Аммо бахил бирор нарса садақа қилишни қасд қиладиган бўлса, темир либоси торайиб, қўли елкасига киришиб кетади. Ва ҳар-бир ҳалқа ўз ўрнига жойлашиб олади.
Расулуллоҳ (с.а.в.): "Кенгайтиришга ҳаракат қиладию, аммо кенгаймайди", дедилар.