30 (990) 2297. Абу Заррдан (р.а.) ривоят қилинади: Бу зот: "Набий (с.а.в.) ҳузурларига борсам у зот Каъба соясида ўтирган эканлар. Қачонки мени кўргач: "Каъба раббига қасамки, ана ўшалар хасоратда қолувчилардир", дедилар. Мен ўтира олмасдан ўрнимдан турдимда: "Эй Аллоҳнинг расули! ота-онам сизга фидо бўлсин. Ўша хасоратда қолувчилар ўзи ким?" десам, Расулуллоҳ (с.а.в.): "Мол-дунёси кўп бўлганлар. Фақат мана бундай, мана бундай ва мана бундайлар яъни, ҳар турлик кўринишда инфоқ қиладиганлар ундай эмас", дедилар. Қайси бир туя ёки қорамол ёки қўй эгаси закотини адо қилмаса қиёмат куни, унданда каттароқ ва семизроқ ҳолда келиб, шохлари билан сузиб, туёқлари билан тепкилайди. Охири тугаса аввали яна қайтиб келади, то одамлар орасида ҳукм чиқарулгунича шундай бўлади", дедилар.
000 (000) 2298. Абу Заррдан (р.а.) ривоят қилинади: "Набий (с.а.в.) ҳузурларига борсам, у зот Каъба соясида ўтирган эканлар, деб юқоридаги ҳадис каби зикр қилиб, унинг давомида: "Жоним унинг қўлида бўлган Зотга қасамки, ер юзида бир киши вафот этиб, туя ёки қорамол ёки қўй қолдириб кетсаю, унинг закотини бермаса хасоратда қолади", дедилар.
31 (991) 2299. Абу Ҳурайрадан (р.а.) ривоят қилинади: "Набий (с.а.в.): "Менга уҳуд тоғи миқдорича олтин бўлсада, ўша олтинга учинчи кечада яна қўшилса у нарса мени хурсанд қилмайди. Фақат бир динорки, қарзимни узиш учун бўлса унда хурсанд қилади", дедилар.
000 (000) 2300. Бу ерда юқоридаги ҳадис такрор келган.
|