12 (984) 2275. Ибн Умардан (р.а.) ривоят қилинади: "Расулуллоҳ (с.а.в.) фитр закотини хурмодан бир соъ миқдорида мусулмонлардан қулга ҳам ҳурга ҳам, эркакга ҳам аёлга ҳам фарз қилдилар.
13 (000) 2276. Ибн Умардан (р.а.) ривоят қилинади: "Расулуллоҳ (с.а.в.) фитр закотини хурмодан бир соъ, арпадан бир соъ миқдорида, ҳар-бир катта-ю, кичик, ҳур кишига фарз қилдилар".
14 (000) 2277. Ибн Умардан (р.а.) ривоят қилинади: "Набий (с.а.в.) рамазон садақасини ҳар-бир ҳур ва қулга ҳамда эркагу-аёлга, бир соъ хурмо ёки бир соъ арпа қилиб, фарз этдилар. Бас одамлар бир соъ хурмо ёки бир соъ арпани ярим соъ буғдойга тенглаштириб олишди".
15 (000) 2278. Абдуллоҳ ибн Умардан (р.а.) ривоят қилинади: "Расулуллоҳ (с.а.в.) фитр закотини бир соъ хурмо ёки бир соъ арпа қилиб белгиладилар". Ибн Умар: "Одамлар, ўша нарсаларга икки мудд буғдойни тенглаштириб олишди", дедилар.
16 (000) 2279. Абдуллоҳ ибн Умардан (р.а.) ривоят қилинади: "Расулуллоҳ (с.а.в.) рамазондаги фитр закотини, мусулмонлардан ҳар бир ҳур ёки қул ёки эркак ёки аёл, кичик ёки катта жонга бир соъ хурмо ёки бир соъ арпа қилиб, фарз этдилар".
17 (985) 2280. Абу Саид ал-Худрийдан (р.а.) ривоят қилинади: "Бу зот: "Бизлар фитр закотини бир соъ таом ёки бир соъ арпа ёки бир соъ хурмо ёки бир соъ сарёғ ёки бир соъ майиздан чиқарар эдик", дедилар".
18 (000) 2281. Абу Саид ал-Худрийдан (р.а.) ривоят қилинади: "Бизлар Расулуллоҳ (с.а.в.) тирик пайтларида фитр закотини ҳар бир каттаю-кичик, ҳур ёки хизматкор, бир соъ таом ёки бир соъ сарёғ ёки бир соъ арпа ёки бир соъ хурмо ёки бир соъ майиз чиқарар эдик. Токи Муовия ибн Абу Суфён ҳаж ёки умра қилиш учун келгунича мана шу алфозда чиқариб турдик. Муовия минбардан туриб, одамларга гапирди. Одамларга гапирган гапи: "Албатта шомнинг икки муд буғдойи бир соъ хурмога тўғри келади", кўринишида бўлди. Одамлар ана шу сўзга амал қилишни бошлашди". Абу Саъид (р.а.): "Модомики яшар эканман фитрни аввал қандай чиқараётган бўлсам шундай чиқараман", дедилар.
19 (000) 2282. Абу Саид ал-Худрийдан ривоят қилинади: "Расулуллоҳ (с.а.в.) ҳаётлик пайтларида, ҳар-бир каттаю-кичик, ҳур ва қулга уч турлик нарсадан фитр закотини чиқарар эдик. У бир соъ хурмо, бир соъ сарёғ, бир соъ арпа эди. Бизлар мана шу уч нарсадан чиқариб юрдик. Муовия эса икки муд буғдойни бир соъ хурмога тенглаштирдилар. Абу Саъид (р.а.): Мен эса ҳанузгача юқоридаги уч турли нарсадан фитр закоти чиқариб келмоқдаман", деб айтдилар.
20 (000) 2283. Абу Саъид ал-Худрийдан (р.а.) ривоят қилинади: "Бизлар фитр закотини уч турли нарса яъни, сарёғ, хурмо ва арпадан чиқарар эдик".
21 (000) 2284. Абу саъид ал-Худрийдан (ра.) ривоят қилинади: "Қачонки Муовия ярим соъ буғдойни бир соъ хурмога тенглаштирганларида Абу Саъид у нарсани инкор қилиб: "Мен Расулуллоҳ (с.а.в.) замонларида нимани фитр садақаси қилиб берган бўлсам ўшани бераман. У бир соъ хурмо ёки бир соъ майиз ёки бир соъ арпа ёки бир соъ сарёғ, эди", дедилар".
|