(894) 1. Абдуллоҳ ибн Мозинийдан (р.а.) ривоят қилинади. Расулуллоҳ (с.а.в.) намозгоҳга чиқиб, сув талаби (да намоз ўқиб, дуо талаби) да бўлдилар. Қиблага юзланганларида, ридоларини ўзгартирдилар. Яъни, ўнгини чапга ўтказдилар.

(…) 2. Аббос ибн Тамим амакиларидан (р.а.) ривоят қилинади. Набий (с.а.в.) намозгоҳга чиқиб, сув талаб қилиб, дуо қилдилар. Ва қиблага юзланиб, ридоларини ўзгартирдилар.

(…) 3. Абдуллоҳ ибн Зайд ал-Ансорийдан ривоят қилинади. Расулуллоҳ (с.а.в.) намозгоҳга чиқиб, сув талаб қилдилар. Қачонки дуо қилишни хоҳлаганларида қиблага юзланиб, ридоларини ўзгартирдилар.

(…) 4. Аббос ибн Тамим ал-Мозиний амакиларидан ривоят қиладилар. Бир куни Расулуллоҳ (с.а.в.) сув талабда чиқиб, одамларга ортларини қилиб, Аллоҳга дуо қилардилар. У зот (кейин) қиблага юзланиб, ридоларини ўзгартириб, сўнгра икки ракат намоз ўқидилар.