(852) 13. Абу Ҳурайрадан (р.а.) ривоят қилинади. Расулуллоҳ (с.а.в.) жума куни ҳақида зикр қилиб: "Унда бир соат борки, бирор мусулмон банда намоз ўқиб туриб Аллоҳдан бирор нарса сўраса ўша сўраган нарсасини беради", дедилар.
Ибн Қутайбанинг ривоятларида; "Расулуллоҳ (с.а.в.) қўллари билан ишора қилиб, уни оз фурсат эканини билдирдилар, сўзи зиёда қилинган.

(…) 14. Абу Ҳурайрадан (р.а.) ривоят қилинади. Абулқосим (с.а.в.): "Жумада бир соат борки, бирор мусулмон банда тик туриб намоз ўқиётиб, ўша фурсатга мувофиқ келсада, Аллоҳдан яхшиликни сўраса Аллоҳ унга ўша нарсани беради", дедилар.
У зот қўллари билан ўша фурсатни оз ва қисқа деб (ишора қилдилар).
Бу ерда юқоридаги ҳадис икки марта такрор келган.

(…) 15. Абу Ҳурайрадан (р.а.) ривоят қилинади. Набий (с.а.в.): "Жумада бир соат борки, бирор мусулмон банда ўша фурсатга мувофиқ келиб, Аллоҳдан яхшиликни сўраса Аллоҳ унга ўша яхшиликни беради. Ўша фурсат жуда енгил ва оздир", дедилар.
Бу ерда юқоридаги ҳадис такрор келган. Фақат "Ўша фурсат жуда енгил ва оздир", дедилар.

(853) 16. Абу Бурда ибн Абу Мусо ал-Ашъарийдан (р.а.) ривоят қилинади. Абдуллоҳ ибн Умар менга: "Отангиз Расулуллоҳ (с.а.в.)ни жума соати ҳақида гапирган гапларини эшитганмисиз", деганларида, мен: "Ҳа эшитганман, Расулуллоҳ (с.а.в.): "Ўша фурсат имом ўтириши билан намоз ўқиб бўлиш оралигидадир", дедилар.