7. Абдураҳмон ибн Абу Саид ал-Худрий оталаридан ривоят қиладилар. Расулуллоҳ (с.а.в.): "Жума куни ҳар-бир эҳтилом бўлувчи, балоғатга етган кишига ғусл қилиш, мисвок ишлатиш ва қодир бўлгунича хуш бўй нарсани суртиш лозим", дедилар.
Букайр Абдураҳмонни зикр қилмадилар. Хуш бўй нарса ҳақида: "Агар аёлларни хуш бўй нарсасидан бўлса ҳам", дедилар.

(848) 8. Товусдан (р.а.) ривоят қилинади. Ибн Аббос (р.а.) жума куни ғусл қилиш ҳақидаги Расулуллоҳ (с.а.в.) сўзларини зикр қилдилар. Товус ибн Аббосга (р.а.): "Агар аҳли ҳузурида хуш бўйлик ёки ёғ бўлса суртиб оладими?" деганларида Ибн Аббос (р.а.): "Билмайман", дедилар.
Бу ерда юқоридаги ҳадис такрор келган.

(849) 9. Абу Ҳурайрадан (р.а.) ривоят қилинади. Набий (с.а.в.): "Ҳар бир мусулмон устидаги Аллоҳнинг ҳаққи ҳар етти кунда ғусл қилиши, яъни боши ва жасадини ювишидир", дедилар.

(850) 10. Абу Ҳурайрадан (р.а.) ривоят қилинади. Расулуллоҳ (с.а.в.): "Ким жума куни жанобат ғуслини қилса кейин (масжидга) борса гўёки туя қурбонлик қилгандек бўлади. Ким иккинчи соатда қолса гўёки сигир қурбонлик қилгандек бўлади. Ким учинчи соатда қолса гўёки шохлик қўчқор қурбонлик қилгандек бўлади. Ким тўртинчи соатда келса гўёки товуқни қурбонлик қилгандек бўлади. Ким бешинчи соатда борса гўёки тухумни эҳсон қилгандек бўлади. Агар имом чиқса фаришталар зикр эшитиш учун ҳозир бўлишади", дедилар.