(836) 302. Мухтор ибн Фулфулдан (р.а.) ривоят қилинади. Анас ибн Моликдан асрдан кейинги нафл намози хусусида сўраганимда, у зот: "Умар (р.а.) аср намозидан кейин намоз ўқиганларни қўлига урардилар. Бизлар эса Набий (с.а.в.) замонларида қуёш ботганидан кейин, шом намозидан олдин икки ракат намоз ўқир эдик", деганларида, мен: "Расулуллоҳ (с.а.в.) ҳам у икки ракатни ўқирдиларми?" дедим. Шунда у зот: "Расулуллоҳ (с.а.в.) у икки ракатни ўқиганимизни кўрардилар-у, лекин уни ўқишга буюрмас ҳам қайтармасдилар", дедилар.

(837) 303. Анас ибн Моликдан (р.а.) ривоят қилинади. Бизлар Мадинада эдик. Шу пайт шом намозига муаззин азон айтди. Одамлар устунлар томон шошиб, икки ракат, икки ракат намоз ўқишар эди. Ҳатто ўша ҳолда мусофир киши масжидга кирса, у намозни ўқиётганлар кўплигидан намоз ўқиб бўлинибдида, деб гумон қилар эди.