(815) 266. Солим оталаридан ривоят қиладилар. Наий (с.а.в.): "Икки кишини ҳасад қилса бўлади. Бир кишигаки Аллоҳ Қуръонни берсаю, у кечасию, - кундузи уни тиловат қилса ва яна бир кишига Аллоҳ мол-дунё берсаю у ўша мол-дунёсидан кечаю-кундуз инфоқ қилса", дедилар.

(…) 267. Солим ибн Абдуллоҳ ибн Умар оталаридан (р.а.) ривоят қиладилар. Расулуллоҳ (с.а.в.): "Икки кишини ҳасад қилса бўлади. Бир кишига Аллоҳ мана бу китобни берсаю, у ўша китоб ҳаққини кечаю-кундуз адо этса ва Аллоҳ бир кишига мол ато этсаю, у ўша молидан кечаю кундуз садақа қилса". Дедилар.

(816) 268. Абдуллоҳ ибн Масъуддан (р.а.) ривоят қилинади. Расулуллоҳ (с.а.в.): "Икки кишини ҳасад қилса бўлади. Аллоҳ бир кишига мол-дунё берсаю, у киши уни ҳақ йўлда сарфлашни қўлга киритса. Ва яна бир кишига Аллоҳ ҳикмат берсаю, у ўша нарса билан ҳукм чиқариб, (бошқаларга) ҳам илмидан таълим берса", дедилар.

(817) 269. Омир ибн Восиладан (р.а.) ривоят қилинади. Нофеъ ибн Абдулҳорис Умар (р.а.) га Усфон номли ерда йўлиқиб қолдилар. Умар (р.а.) у кишини Маккага аолий қилгандилар шунда Умар (р.а.) у кишига: "Водий аҳлига кимни қолдириб келдинг", дегандилар, у киши: "(Абдураҳмон) ибн Абзони", дедилар. Ибн Абзо деганинг ким у? дегандилар, Нофеъ: "У Аллоҳни китобини ёд олган қори ва мерос илмини олими", дедилар. Шунда Умар (р.а.): "Албатта Набиййингиз айтганларки, Аллоҳ бу китоб сабабли бир қавмни баланд даражаларга кўтарса бошқа бирини паст даражага тушириб қўяди", дедилар.
Бу ерда юқоридаги ҳадис такрор келган.