(792) 232. Абу Ҳурайрадан (р.а.) ривоят қилинади. Набий (с.а.в.): "Аллоҳ бирор нарсада набийси учун Қуръонни чиройли овозда ўқишга рухсат берганичалик изн бермаган", дедилар.
Бу ерда юқоридаги ҳадис такрор келган.

(…) 233. Абу Ҳурайрадан (р.а.) ривоят қилинади. Расулуллоҳ (с.а.в.): "Аллоҳ набийсига Қуръонни чиройли ва яхши суратдаги овоз билан, жаҳрий ўқиш каби бирор нарсада изн бермаган", дедилар.

(…) Бу ерда юқоридаги ҳадис такрор келган.

(…) 234. Абу Ҳурайрадан (р.а.) ривоят қилинади. Расулуллоҳ (с.а.в.): "Аллоҳ набийсига Қуръонни чиройли овозда, баланд қилиб ўқигандаги рухсати каби бошқа бирор нарсада рухсат бермади", деб айтдилар.
Бу ерда юқоридаги ҳадис такрор келган.

(793) 235. Абдуллоҳ ибн Бурайда оталаридан (р.а.) ривоят қилинади. Расулуллоҳ (с.а.в.): "Албатта Абдуллоҳ ибн Қайсга (ёки Ашъарийга) Довуд алайҳиссалом оилаларига берилган овоз каби овоз ато қилинган", дедилар.

(…) 236. Абу Мусодан (р.а.) ривоят қилинади. Расулуллоҳ (с.а.в.) Абу Мусога: "Кечаги кун сени қироатингга қулоқ тутганимни кўрганингда эди. Сенга ҳақиқатда Довуд алайҳиссаломнинг ҳуш овозларидан берилган экан", дедилар.