Қуръонни қайтариб туришга буюрилгани ва фалончи оятни унутдим, деб айтишни кароҳияти аммо унуттирилдим, деб айтишнинг жоизлиги хусусида
(788) 224. Оишадан (р.а.) ривоят қилинади. Набий (с.а.в.) бир кишини тунда қироат қилаётганини эшитиб: "Аллоҳ унга раҳм қилсин. Чунки фалон, фалон сурадаги фалон ва фалон оятни тушириб қолдирган эдим у менга эслатди", дедилар.
(…) 225. Оишадан (р.а.) ривоят қилинади. Набий (с.а.в.) масжидда бир кишини қироатига қулоқ солиб: "Аллоҳ унга раҳм қилсин, чунки мендан унуттирилган оятни у менга эслатди", дедилар.
(789) 226. Абдуллоҳ ибн Умардан (р.а.) ривоят қилинади. Расулуллоҳ (с.а.в.): "Албатта Қуръон соҳиби бўлмиш (қорининг) мисоли худди боғлаб қўйилган туяга ўхшайди. Агар ушлаб турса у тўхтаб туради. Бордию қўйиб юборилса кетиб қолади", дедилар.
(…) 227. Ибн Умардан (р.а.) ривоят қилинади. Набий (с.а.в.) юқоридаги ҳадисда келган сўзларни айтиб, унинг давомида: "Агар Қуръон соҳиби кечаю-кундуз Қуръон ўқиб, уни такрорласа (эсида туради). Бордию турмаса эсидан чиқариб қўяди", дедилар.
(790) 228. Абдуллоҳдан (р.а.) ривоят қилинади. Расулуллоҳ (с.а.в.): "Бир киши фалон ва фалон оятни унутдим дейиши мунча ҳам ёмон. Балки ундай дейиш ўрнига унуттирилдим, десин. Қуръонни такрорлаб, эсга олиб туринглар. У кишиларни қалбидан ҳайвонлар арқонидан қочганидек қочиб кетади", дедилар.
(…) 229. Абдуллоҳдан (р.а.) ривоят қилинади. Бу зот: "Ушбу мусҳафни (эҳтимол Қуръонни деган бўлсалар керак) маҳкам ушланглар. У кишилар қалбидан ҳайвонлар арқонидан қочганиданда кўра қаттиқроқ қочади", дедилар. Расулуллоҳ (с.а.в.): "Сизлардан бирингиз фалон ва фалон оятни унутдим, деб айтмасин. Балки унинг ўрнига "Унуттирилдим", деб айтсин", дедилар.
(…) 230. Ибн Масъуддан (р.а.) ривоят қилинади. Расулуллоҳ (с.а.в.): "Кишининг фалон, фалон сурани унутдим ёки фалон ва фалон оятни унутдим, деб айтиши мунча ҳам ёмон. Балки унинг ўрнига "Унуттирилдим", деб айтсин", дедилар.
(791) 231. Абу Мусодан (р.а.) ривоят қилинади. Набий (с.а.в.) "Бу Қуръонни маҳкам тутинглар. Муҳаммаднинг жони Унинг қўлида бўлган Зот Аллоҳ номига қасамки, у арқонидан қочган туядан ҳам қаттиқ қочувчидир", дедилар. Ушбу ҳадис лафзи Ибн Барродга тегишгидир.
|