(714) 69. Абу Қатодадан (р.а.) ривоят қилинади. Расулуллоҳ (с.а.в.): "Агар сизлардан бирингиз масжидга кирса ўтиришидан олдин икки ракат (нафл) намози ўқисин", дедилар.

(…) 70. Расулуллоҳ (с.а.в.) дўстлари Абу Қатодадан (р.а.) ривоят қилинади. Мен масжидга кирсам Расулуллоҳ (с.а.в.) одамлар орасида ўтирган эканлар. Мен ҳам ўтирдим. Шу пайт Расулуллоҳ (с.а.в.): "Ўтиришдан олдин икки ракат ўқишингдан сени нима ман қилди", дедилар. Мен: "Эй Аллоҳнинг расули, сизни ва одамларни ўтирганлари кўрдим. (Шунинг учун мен ҳам ўтириб олдим)", дедим. Шунда у зот: "Агар сизлардан бирингиз масжидга кирса то ракат (нафл) ўқигунча ўтирмасин", дедилар.

(715) 71. Жобир ибн Абдуллоҳдан (р.а.) ривоят қилинади. Расулуллоҳ (с.а.в.) мендан бир туя сотиб олдилар. Мадинага келганларида масжидга келиб икки ракат намоз ўқишимга буюрдилар.

(…) 73. Жобир ибн Абдуллоҳдан (р.а.) ривоят қилинади. Расулуллоҳ (с.а.в.) билан бирга ғазотга чиқдим. Туям секинлашиб, чарчаб қолди. Расулуллоҳ (с.а.в.) келиб бўлган эканлар мен эса эрта тонгда етиб келдим. У зот: "Ҳозир келдингми?" дедилар. Мен: "Ҳа", дедим. У зот: "Туянгни қўйгинда, кириб икки ракат намоз ўқигин", дедилар. Мен кириб намоз ўқидим-да, кейин қайтиб чиқдим.

(716) 74. Каъб ибн Моликдан (р.а.) ривоят қилинади. Расулуллоҳ (с.а.в.) сафардан келадиган бўлсалар кундузи чоштгоҳ пайтида келиб, (ишни) масжидда икки ракат намоз ўқишдан бошлардилар. Кейин ўтирардилар.